溫哥華(19)岑麗香爆冷摘冠

季軍張慧雯(右起)、冠軍岑麗香與亞軍陳美妤賽後合照,喜形於色。

《2010國際中華小姐》昨晚順利誕生,經過一輪終極拉票戰後,由來自溫哥華的(19)岑麗香「爆冷」奪冠,來自吉隆坡的(7)陳美妤與賽前大熱多倫多代表(18)張慧雯分奪亞季,谷胸上陣的香港代表陳庭欣大熱倒灶,六強止步!

今屆《國際中華小姐》昨晚假天津環亞國際馬球會大酒店舉行,來自世界各地的24名佳麗施展渾身解數,以皮草、泳衣及水晶旗袍亮相。雖然賽事於酒店進行,當地氣溫只得幾度,但佳麗仍「大無畏」照穿性感三點式出場,睇頭十足。經過泳衣及問答環節,結果由來自溫哥華、芳齡25歲的(19)岑麗香摘下后冠,亞軍則是吉隆坡代表(7)陳美妤,擁有35吋上圍的多倫多代表(18)張慧雯只獲季軍,陳美妤兼奪「中華儷影小姐」。至於賽前已先拔頭籌獲選「友誼小姐」的(5)白鷺,在台上領獎時獲身旁的(4)林晨諭及香港代表(6)陳庭欣吻賀。

溫哥華(19)岑麗香爆冷摘冠

冠軍(19)岑麗香年齡:25歲三圍:33、23、33.5身高:5呎4吋半職業:英語會話老師(19)岑麗香賽前屬冷門分子,但憑著出色表現,力壓23位佳麗奪冠。

終極拉票贏條街

今屆華姐以新賽制選出三甲,比賽爭持激烈,大會先公布季軍,其餘兩位佳麗最後自我終極拉票定勝負,五票中有四票支持岑麗香。所有得獎佳麗將獲總值逾五百萬元的獎金獎品,打破歷年紀錄。香港代表陳庭欣雖然賽前大熱,全晚表現落力,「變身」環節時更穿上銀色閃石低V晚裝裙,罕有谷出「事業線」,可惜最後在六強止步!被指貌似上屆華姐冠軍苟芸慧的張慧雯,台上被問到可有信心奪冠,她避而不答:「好難答!比賽係另一回事,呢個係一個Show,希望大家Enjoy。」

出爐冠軍岑麗香在台上感動得眼泛淚光,她說:「以前好多人話我廣東話唔得,今年我好畀心機學習,今晚講出自己o既心聲。我可以你o地都可以!」

溫哥華(19)岑麗香爆冷摘冠

季軍(18)張慧雯年齡:20歲三圍:35、23、35身高:5呎7吋職業:大學生 賽前大熱之一R張慧雯表現出色,但最後僅保一席季軍。

亞軍唔夠Cute認輸

賽後,岑麗香返回後台接受訪問,她自言估不到會贏出:「多謝所有人,多謝支持我o既人!(覺得自己贏乜?)I'm not sure,其實有冇獎唔重要,我係做好自己。我上年學廣東話學o左好耐,希望有進步,(打算入行?)未知,我o岩o岩先畢業,今晚媽咪都有o黎睇。(男友呢?)我冇男友!因為要比賽同讀書,所以之前都冇拍拖,唔想分心。」亞軍陳美妤被問未能奪冠有否失望,她說:「冇!入到12名已經好開心,依家仲有個『附屬品』已經好滿足,今次盡力而為。冠軍好叻又好靚,呢個係大家公認o既,我唔夠佢Cute。」

至於落敗的陳庭欣大方表示沒有失望:「都係一場Show,我叫做完成o左成個Show 。(香港代表好少輸?)唔一定!證明TVB係公平o既,入到六強已經好開心。(擔心點同公司交代?)唔會!係同自己交代,(覺得輸o的乜?)其他佳麗笑容好o的,我笑得唔係咁叻。」

溫哥華(19)岑麗香爆冷摘冠

中華儷影小姐 亞軍 (7)陳美妤年齡:24歲三圍:33、22、34身高:5呎7吋職業:節目主持(7)陳美妤奪得中華儷影小姐後梅開二度,勇奪亞軍。

溫哥華(19)岑麗香爆冷摘冠

溫哥華(19)岑麗香爆冷摘冠

身穿皮草晚裝入場的(22)劉捷甚為「凸」出,令人眼前一亮。

溫哥華(19)岑麗香爆冷摘冠

(10)王美艷未能人如其名艷壓群芳,落敗收場。

溫哥華(19)岑麗香爆冷摘冠

(6)陳庭欣三甲不入,令人大跌眼鏡。

溫哥華(19)岑麗香爆冷摘冠

(5)白鷺(中)勇奪友誼小姐,(6)陳庭欣(右)即上前吻賀。