|
美股上禮拜五咁跌法，諗住港股尋日一開波就殺，但估唔到50日線再現威力，大市低開後跌幅逐步收窄，走勢絕對唔差。上周o的股仔重拾炒味，點知又遇上美股弱過藥煲，尋日所見股仔雖未見沽壓，但升勢似乎轉弱，始終美股係一個炸彈，市場有擔心都係正常。
弱美元令資金流入資源類別以抗通脹已大趨勢，資源股有買貴無買錯。美元下跌，油價下挫，令油國雙重損失，相信油組唔會任由油價回落，只要油價回升，油股又會再發癲。兩大油股已炒上，相對二線油股就仲係便宜，中信資源（01205）近期穩守2元之上橫向收集，收貨格局明顯，油價回升無理由唔炒起佢，一旦發力追落後，升幅絕對唔o野小，向上睇3元，止蝕就定2元。
古晨
|
