|
話說隔晚美股藉企業購併消臮，道指狂升逾百點，令昨日港股期指結算日，恒指總算升番上21,000點收市。雖說尋日係升市，但市場一o的升市味道都冇，而且部分股仔更要開倒車，早前喪炒o既輝影（00630），單日狂插o左近四成，嚇死晒班鑊鏟友，搞到下半場唔少股仔都腳軟軟。其實市場氣氛自八月開始已經麻麻地，睇怕十月都係難捱o既月份。
近期炒味轉濃o既新海能源（00342），○四年購入珠海碼頭作發展液化氣業務發展之用，近年成績有板有眼，最近股價拾級而上，據聞集團短期內進行路演，或會引入大型基金。
再講，新海股價過去一年都無點大炒過，o係現時咁靜市況下，自然受鑊鏟友青睞，上望1.3元，止蝕保守o的定0.88元。
古晨
|
