|
大市尋日又高開低收，埋單恒指倒跌200點收場，認真難睇。除o左大市唔精神外，個別三四線股有沽壓，由於好多細價股早前已累積相當龐大升幅，撈底博反彈制唔過。古晨一向都有個原則，就係寧買當頭起，假如隻股強勢就唔怕跟，好似隻昌興國際（00803），尋日個市跌o既時候，佢不但無跟市跌，反而在強勁買盤支持下破位而上，最後以接近全日高位0.69元收市，真係強到不得了。
早前昌興宣布向主席收購o係英國上市o既Prosperity Minerals Holdings（PMH）不少於五成股份，由於PMH擁有內地六間水泥廠，購入PMH權益後可壯大昌興規模。市場憧憬公司短期會公布收購PMH作價，料在此憧憬下，股價強勢持續，不妨搭番轉順風車，目標0.85元，止蝕0.64元。
古晨
|
