|
大市保持日升日跌o既走勢，真係玩死一眾鑊鏟友，近日天氣轉冷，但市場氣氛就有轉暖蹟象，唔少二、三線股都炒個不亦樂乎，而且爆升力相當嚇人，o的異動股真係要密切留意。
過去半年，內地資金大量湧入港股，一眾證券商可謂賺到盆滿缽滿，以第一上海（00227）為例，上半年盈利交出增長16.8倍o既好成績。
自從實施內地個人遊之後，真係多o左好多內地人來港炒港股，現時十個股民中，內地人隨時佔去三席。第一上海o係內地有業務關係，吸納內地新客自然有一定優勢，下半年港股更熱爆，加上經紀業CEPA效應，估計全年成績更為驕人。古晨見佢o係1元橫行收集o左好耐，尋日突然炒味轉濃，有勢不妨目及住，隨時爆上可見1.4元，而止蝕位就定0.98元。
古晨
|
