|
陳振聰兩名胞弟昨日大爆兄長的「發達之路」，四弟陳振國出庭披露，於九十年代初的三年間，他與二哥每月數次到銀行或華懋的停車場，「現兜兜」提取大疊的千元紙幣，放入網球袋後帶到其他銀行存入自己的公司戶口，大哥陳振聰則於幕後操控。華懋昨日質問陳振國有否懷疑過自己洗黑錢，但他堅稱「冇諗過」。
與二哥處理現金及買樓
陳振國供稱，他早年於港大生物學系畢業後，大哥陳振聰便邀請他，「叫我睇o下o的樓，整理o下o的物業」，振國表明樂意接受有關工作，期間更協助大哥成立一海外公司，「只係用o黎hold住o的物業」。他承認自己是其中一間公司楠樺置業之董事，惟對於大哥是否該公司股東或董事，則表示「唔記得，唔知」，他又指與二哥振鴻俱替大哥處理巨額現金，然後會將款項購買物業。
陳振國憶稱，自九三年起便協助大哥處理巨款，當時他尚在求學，「大哥叫我同Bobby（陳振鴻）去中環o既美國銀行，有本存摺簿，同teller（櫃位服務員）講要提款」；他形容因款額龐大，職員便帶他們到專門處理巨款之房間，他們將錢放入一網球袋，再到畢打街的匯豐銀行存入楠樺置業之戶口。
「我係細佬，佢講我做」
陳振國不諱言，因金額太大，「我o地有小小驚訝」，遂向大哥查問來源，惟「大哥當時話係龔如心小姐送畀佢，又叫我o地唔使擔心」；他坦言，大哥雖無詳細解釋，但「我信佢」，「我係細佬聽佢講，佢講，我o地去做」。據他說，有關提存款活動維持至九五年止，「一個月兩、三次發生，唔係每個月都發生，有時隔一個月」。華懋的資深大律師余若海質疑為何不以支票處理，他坦言「我冇問」。
陳振國更稱，大哥隨後直接著兩人到華懋提取巨額現金，如其中一次便逾一千二百萬元，大哥先著他們駕車到華懋停車場，將錢放入網球袋帶回威豪閣住所，翌日再到銀行存入楠樺置業戶口，有關行動亦維持一段時間。他又憶述，某晚十二時，他曾與振鴻到華懋與龔如心會面，「印象好深刻，我以為龔如心好似大學教授咁嚴肅，但o個日佢好熱情同我o地握手」。
稱無懷疑會涉及洗黑錢
余若海質疑，「你有冇憂心，懷疑有可能涉及洗黑錢？」陳斬釘截鐵說「完全冇」，並解釋知悉該筆錢是龔如心送給大哥，「一直咁傳畀佢」。余再問「有冇銀行查問洗黑錢問題？」陳說「冇」。余又問，○五及○六年有三筆六億八千八百萬元過數，是否由他處理，陳振國回應「係Bobby處理」。他亦稱，從無聽過大哥協助龔如心找王德輝或提供風水意見給她，大哥亦無提過替華懋挖風水洞或晚上要到地盤監工。陳振國昨完成作供，振鴻會於下周會出庭。
|
